Адыгэ къуаджэу Мардж-Султан къыдэнагъэхэм яIофхэр дэйдэд


Сирием ит Адыгэ къуаджэу Мардж-Судтан Адыгэ 150 фэдиз къыдэнагъэу дэс. Ахэм ащыщгорэм къызэрэтиIуагъэмкIэ мы аужьырэ тхьэмафэхэм яIофхэр дэйдэу хъугъэ. Къуаджэм идэжьдэдэ Сирие дзэмрэ ащ пэуцожьыхэмрэ щызэхаозэптых ыкIи ащ къыхэкIэу къуаджэм топхэр къытафэ, тхьэмафэ къэс Адыгэ кIалэхэр хэкIуадэх. Мафищ ыпэкIэ джащ фэдэу къуаджэм къыздаохэм Адыгэ кIалэу Сташъу Мурад топщэр къытафи укIыгъэ. 

Къуаджэм идэжь зао зэрыщыкIорэм пае Ащ Адыгэу дэсхэр къыдэкIынхэ алъэкIырэп ыкIи ущыIэным ищыкIагъэ пстэури макIэдэдэу хъугъэ. Псы, щхын ыкъоу яIэжьэп, остыгъи щыIэп. Мыщ фэдэу Iофыр зэрэщытым пае узхэри къапэхьэ (Малария). Тыгъуасэ соц-сетхэм ахэт Адыгэ кIалэ куп Мардж-Султан дэс Адыгэмэ адэIэпыIэнхэу Iофгорэхэр рагъэжьагъ. Мы Iофым фэгъэхьыгъэу джыри къэбар къэттыщт. 

КъэIогъэн фае, Сирием зао къемыжьэзэ Мардж-Султан Адыгэ мин 3 нахьыбэ щыпсэущтыгъэ. Непэ ащ 150 фэдиз къыдэнагъэр. Адрэхэр зы куп Дамаск кIуагъэх, зы куп Иорданием, Тыркуем, Адыгэ хэкум ыкIи нэмыкI хэгъэгухэм кIощыгъэх.