18 February 2014

Къэзыгъэзэжьыгъэ нэбгрищ хэкум рафынхэу агухэлъ

Мэзаем и 8-м Къэбартае-Бэлькъар республикэм икъэлашъхьэ Нальчик Шъачэ олимпиадэм пэуцожьэу мырэзэныгъэ зэхахьэ щык1уагъ.
Ащ полицием нэбгрэ 30 фэдиз ыубти хьапсым ч1идзэгъагъ. Мыхэм анахьыбэр ат1уп1щыжьыгъэх. Непэ нэбгрит1у джыри хьапсым ч1эсых.

Мырэзэныгъэ зэхахьэм аубытгъагъэмэ ащыщых Сирие заом къыхэк1ыжьыгъэу хэкум къэзыгъэзэжьыгъэ нэбгрищ. Мыхэм къызэра1уагъэмк1э мырэзэныгъэ зэхахьэм хэлэжьэнхэу агухэлъэгъэп ык1и ар зэрэщы1эр аш1агъэп. Ч1ып1эу мырэзэныгъэ зэхахьэр зыщаш1ыгъэм блъэк1ыхэпэтзэ полицием ыубытыгъэх.Зымафэ а1ыгъэхи ыт1анэ ат1уп1щыжьыгъэх ау полицием дао судым афч1илъхьи хэкум рафынхэу унашъо судым ыш1ыгъ.

КъБР-м ихэку къэзыгъэзэжьыгъэхэм адэлажьэрэ хасэу "Пэрыт" зыфи1орэм судым тхьапэхэр ч1илъхьагъ унашъор къызэч1эгъэк1ожьыным пае. Пэрытым итхьэматэ Хьэгъэжъый Беслъан къызэри1уагъэмк1э судым иунашъо зэч1имыгъэк1ожьымэ къэзыгъэзэжьыгъэхэр зытхьэмафэк1э хэкум рафыщтых.

Адыгэ Хэку
Дунае
Кавказ Урысие
Диаспорэ
Тхыгъэхэр
Хэкугъэзэжьын
Адыгэ УпчIэ
Археологиер Экологиер
Спортыр
Туризм